Oleh : Effendy JInu
Tuh auh peteh badehen, mangat itah sama mangumang tuntang marimae. Tampayah akan baun mite bua rambutan hadurut bilak pelek pating edan awi kalabat bua sama kilau munduk jabatan Gubernur Bupati Walikota puna mangat sampai oloh are hakarabut bawi hatue.
Ayo tundah kula keleh itah hatinting lenge pakat sama kilau “MANDAI BUA ELA HATAKIAN’’ tege je mandai, tege je manunggu jatun bua mangat uras sama keme angat. Ela sampai kilau pandain Bakei manduan kasak bua pisang kabun kelep sampai lepah kina melai hunjun, baya panjatu upak ih akan kelep te awi iye dia tau mandai.
Nah, are oloh itah pintar harati tau mamimpin , tapi jatun partai umba pemilihan sama kilau kelep je dia tau mandai te. Bakei je ara Bakei ye tatap Bakei puna pintar mandai sana sampai kahandak kuman bua pisang kinae kabuat sampai besuh bangai. Kelep je uyu uyuh mimbul pisang manyarenan kapehen kanai balau dan kapehen atei ih Cuma gayar-gayar pemda pisang.
Keleh itah mandai bua manjuju ije mangat uras sama mangkeme. Amun sala kareh lingu nalatai, dia tau halalian kula handiai uras mamasut bau awi kahandak dia sampai sama tanding Mandayung Uyah Batawah Belai, Tempon Petak Manana Sare awi itah dia tau pakat. (***)
