Tanjung Manuk Babute

 

Bacaan Lainnya

Oleh : Effendy Jinu

Akan oloh bagawi je cara malanggar peraturan , en te manjarat iye sampai tame Panjara atawae mangapehe bereng kabuat sama auh tanding “ TANJUNG MANUK BABUTE”. Arae je babute dia katawan narai je huang baun tatap nantarang( nambrak), awie puna jatun tampayah mata.

Kareh tende tanjung manuk Babute te,  monuyuh badaha kuluk tuntan balalas biti sampai hengap-hengap tahaseng hayakiwe-iweh. Nah, tanding toh akan itah je mangamburi jukung kilau mambesei nah, murik batang danum je bujur buah, ela nantarang padang tewai kayu saran batang danumte.

Jalan tuntang batang danum te nah sama kilau Peraturan, mangat tujua nelayaua tawae bahaya.  Amon itah mananjung manetei jalan, pasti diya akan layang, maka auh toh keya mangarendeng itah bagawi sining andau ,mangat tanjung sampai tujuan atawa kahandak.

Wayah toh puna rami Komisi Pemberantasan Korupsi (KPK) Manahanpire-pire oknum Gubernur, Bupati, Walikota Korupsi ( OTT) bahanyi melanggara turansama TANJUNG MANUK BABUTE, akhir uras geger gampar naharep masalahte.

Nah, eka itah Kalteng huang benteng nyelu 2018 toh handak ilalus pesta Demokrasi Pemilihan Bupati/ Walikota tuntang Wakil. Akan je lulus seleksi umba pemilihan, keleh manumun aturan bujur buah, ela mahambur duit( Politik Duit) tau kanatekap Tim Saber Pungli.

Kalute keya akan tim manyeleksi berkas Calon Kepala Daerah 2018  , keleh bagawi bujurbuah , ela silauawi mite duit tau kana OTT Saber Pungli palus gagal kahandak umba pertandingan (pemilihan) Kepala Daerah te.

Awi peluang tau main duit puna tabuka, akanok numCalon je haus Jabatan, iete bahanyi bajanji atau manega duit akan Ketua/anggota Tempat Pemungutan Suara (TPS) mangat manang marusak sistem Demokrasi itah.

Oloh je haus pangkat tuntang Jabatan kilaute, amon jadi munduk kursi goyang pasti bahanyi mambuli duit sama TANJUNG MANUK BABUTE. Amon manjadi kilaute,  eweh je mangkeme karugi ,itah uras.Keleh kejau auh tanding toh bara kare tundah pahari je umba jadi ,Bakal Calon  (Balon) Kepala Daerah mangaturas tau bahasil sesuai kahandak Kruk, kruk,kruk hambaruan balon.  (***)

 

image_print
Print Friendly, PDF & Email

Pos terkait