Sama Jalangkung

Oleh Effendy Jinu

Bacaan Lainnya

Andau tuh tege pesta haimelai lewun itah Palangka Raya ,oloh dumah barakanih kate mangguang pesta kahanjak. Panginan te jadi nyadia akan oloh are, ewehb ewei je dumah mangguang pesta rakyat te.

Pandumah bara kanih kate nah sama auh tanding Jalangkung “Dumahdia kana undang buli dia kana agah”, uras sukarela dumah kuman, sarai dia babayar nah. Melai hete uras pangina nmangat manis menyak, amon kuman ela sampai besuh bangai bangkangen.

Amon dia sala paingat, pesta jituh  je rami  tuntang hai akan oloh itah bentuk kotaPalangka Raya, je pendeng awiPresiden Ir. Soekarno huran, kotake 17 awi tokoh itah Tjilik Riwut, mambangun barakatapas kakurang, tapi tau manjadi tumun kahandak ewen awi kapakat tuntang berjuang Penyang hinje Simpei.

Wayah tuh tege kahandak mampahai Palangka Raya akan Ibukota Negara, awiluas tuntangisut penduduk mangat matur. Nah andau toh itah mangkeme angat karamite, sama kilau toh keaa monjadi Ibukota Negara, mambuka matan itah harus siap manarima karami.

Amon jadi lewun itah rami ela sampai kilau tanding“ Tempon Petak Manana Sare”awi petak itah uras lepah tajual akan oloh, akhir itah isut-isut pindah akan pedalaman (sare). Narai akhir uras manjadi auh tanding oloh bakas huran oloh kuman isi, itah kumanTulang, Mambesei Uyah Batawah Belai, Mambesei Kajang Bisa Puat, awi itah dia ulih manaharep kamiar (kemajuan) nah. Ela ih amon ulih, keleh kejau bara oloh itah, awi pantas ih amon jad iTamanggung melai lewue. (***).

image_print
Print Friendly, PDF & Email

Pos terkait